11:22 - 22.07.2026
22 iyul, Fineko/abc.az. ABŞ Prezidenti Donald Tramp idxal olunan generik dərmanlara dair yeni ticarət siyasətini elan edib. 1 avqust 2026-cı ildən etibarən ikiillik güzəşt dövrü başlayacaq və bu müddətdə rüsum tətbiq olunmayacaq. Daha sonra tariflər bir il müddətinə 100%, ardınca isə 200%-ə yüksələcək.
Bu addım istehsalın ABŞ ərazisinə köçürülməsini stimullaşdırmağa yönəlib: iki il ərzində istehsal güclərini lokallaşdırmayan şirkətlər yüksək rüsumlarla üzləşəcəklər. Yeni qaydalar yalnız generik dərmanlara aiddir və orijinal, innovativ preparatlara şamil olunmur.
