14:53 - 20.07.2026

---

20 iyul, Fineko/abc.az. Gürcüstanın Milli Statistika Xidmətinin ("GeoStat") məlumatına əsasən, bu ilin birinci yarısında Azərbaycan ilə Gürcüstan arasında ticarət dövriyyəsi ötən ilin müvafiq dövrü ilə müqayisədə 10,6% artaraq 691,2 milyon dollara (təxminən 1,17 milyard manat) çatıb.

Hesabat dövründə Azərbaycanın Gürcüstanın ümumi xarici ticarət dövriyyəsindəki payı 5,3% təşkil edib.

 Bu göstərici ilə Azərbaycan Türkiyə, Rusiya, Çin və ABŞ-dan sonra Gürcüstanın ilk 5 əsas ticarət tərəfdaşı arasında mövqeyini möhkəmləndirib.