14:48 - 8.09.2026

---

8 Sentyabr, Fineko/abc.az. Dünyanın ən böyük müstəqil neft treyderi "Vitol Group"un icraçı direktoru Rassell Qardner  Sinqapurda keçirilən Asiya-Sakit Okean Neft Konfransında (APPEC) yanacaq bazarlarında kəskin tədarük qıtlığı riski barədə xəbərdarlıq edib.

Şirkət rəhbəri xam neft bazarının nisbətən sabit göründüyünü, lakin neft emalı məhsulları üzrə qlobal ehtiyatların minimum həddə enməsi səbəbindən vəziyyətin oldukça gərgin olduğunu bildirib.

Hörmüz boğazından gündəlik təxminən 10 milyon barel tədarükün keçdiyini qeyd edən Qardner, bu axının hər gün fasiləsiz gerçəkləşəcəyinə zəmanət olmadığını vurğulayıb. Yaxın Şərq və Rusiyadan emal olunmuş yanacaq ixracının azalması qlobal emal güclərinin çatışmazlığı ilə birləşərək yanacaq bazarını xam neftdən daha dərin böhrana sürükləyir.