17:09 - 7.09.2026

---

7 sentyabr, Fineko/abc.az. 2026-cı ilin ilk yarısında Cənubi Qafqaz Boru Kəməri (CQBK) üzrə ümumi xərclər illik müqayisədə 25% artaraq 60 milyon dollara çatıb.

Bunun 41 milyon dollarını əməliyyat (13,9% artım), 19 milyon dollarını isə əsaslı xərclər (58,3% artım) təşkil edib.

Hesabat dövründə boru kəmərinin gündəlik orta ötürücülük gücü 2,1% artaraq 63,7 milyon kubmetrə yüksəlib.

Əsas yeniliklərdən biri isə 1 iyul 2026-cı il tarixindən CQBK-nin ümumi operatorluğunun BP-dən SOCAR-ın törəmə müəssisəsi olan “SOCAR Midstream Operations” MMC-yə keçməsidir.