17:12 - 8.09.2026

---

8 sentyabr, Fineko/abc.az. 2026-cı ilin yanvar-avqust aylarında Azərbaycanda nağdsız qaydada bina tikintisi şirkətlərindən (MTK və s.) əmlak alan vətəndaşlara 23,2 milyon manat ƏDV qaytarılıb (ötən illə müqayisədə 15% çox).

Kimlər yararlana bilər? Yeni tikilidən (bina tikintisi ilə məşğul olan ƏDV ödəyicisi olan şirkətlərdən) yaşayış və ya qeyri-yaşayış sahəsi alan fiziki şəxslər.

Qaytarılan məbləğ: Əmlakın qiymətinə daxil olan ƏDV-nin 30%-i (məsələn, 100 min ₼-lıq mənzilin 18 min ₼ ƏDV-sindən 5 400 ₼ alıcıya qaytarılır).

Mütləq şərt: Ödəniş tam nağdsız edilməlidir (hissə-hissə ödəniş mümkündür, lakin proses tam məbləğ bitdikdən sonra başlayır). Çıxarışlı mənzillərdə ödəniş notariusun depozit hesabı üzərindən aparılır.

Sahə limiti: Maksimum 500 m² sahə üçün tətbiq olunur (daha böyük sahələrdə yalnız 500 m²-ə qədər olan hissə hesablanır). Müraciət və ödəniş qaydası: Ödəniş tam bitdikdən sonra 90 gün ərzində elektron portal vasitəsilə müraciət edilməlidir. Təsdiqdən sonra məbləğ 30 iş günü ərzində bank hesabına köçürülür.