10:26 - 8.09.2026

---

8 Sentyabr, Fineko/abc.az. ABŞ-ın investisiya bankı "Goldman Sachs" Yaxın Şərqdə dəniz daşımalarındakı aksamaların gələn ilə qədər davam edəcəyi gözləntiləri fonunda Dekabr 2026 və 2027-ci illər üçün neft qiyməti proqnozlarını barel başına 5 dollar artırıb. Daan Struyvenin də daxil olduğu analitiklərin hesabatına əsasən, Brent markalı neftin 2026-cı ilin dekabrı üçün qiymət proqnozu 85 dollar, 2027-ci il üçün isə 80 dollar müəyyən edilib. WTI markası üzrə analoji göstəricilər müvafiq olaraq 80 dollar və 75 dollar təşkil edib.

Proqnozdakı artımın məhdud qalmasının əsas səbəbi münaqişə başlanandan bəri OECD ölkələrindəki kommersiya quru neft ehtiyatlarının az geriləməsidir ki, bu da bazardakı təklif qıtlığının gözləniləndən daha kiçik olduğunu göstərir.

Analitiklər bildirir ki, daşımalardakı maneələr uzansa belə, Yaxın Şərq neft tədarükü "könüllü/qaranlıq daşımaların"  artması və 2027-ci ilin sonlarında yeni kəmərlərin işə düşməsi vasitəsilə yeni şəraitə uyğunlaşacaq.