17:01 - 1.09.2026

---

1 Sentyabr, Fineko/abc.az. Azərbaycan Mərkəzi Bankının (AMB) açıqladığı statistik bülletenə əsasən, bu ilin iyul ayının sonuna rezident maliyyə təşkilatları tərəfindən buraxılmış “American Express” kartları ilə 700 min manatdan çox həcmdə 5.1 min əməliyyat həyata keçirilib.

Ötən ilin eyni dövrü ilə müqayisədə əməliyyatların sayı 20.3% (1.3 mindən çox), həcmi isə 22.2% (200 min manatdan çox) azalıb.

Eyni zamanda, hesabat dövründə qeyri-rezident maliyyə təşkilatlarının emissiya etdiyi “American Express” kartları ilə ölkə ərazisində 1.5 min əməliyyat aparılıb və bu əməliyyatların ümumi həcmi 1 milyon manat təşkil edib.