21:34 - 16.07.2026

---

16 iyul, Fineko/abc.az. Son aylarda varlı rusiyalılar investisiyalarını aktiv şəkildə kriptovalyutalara, qızıla, xaricdə daşınmaz əmlaka və Fars körfəzi ölkələrindəki fondlara yönəldirlər.

Bu barədə Bloomberg agentliyi yazır.

Mənbələrin qiymətləndirməsinə görə, ilin əvvəlindən qeyri-rəsmi kapital axını on milyardlarla dollar təşkil edib və 2025-ci ilin göstəricilərini üstələyib. Əsas səbəblər müsadirə riskləri və iqtisadi qeyri-sabitliklə bağlı narahatlıqlardır.
Kapital əsasən BƏƏ, Türkiyə, Səudiyyə Ərəbistanı və digər ölkələrə yönəldilir. Bu tendensiya Rusiyada aktivlərin milliləşdirilməsi hallarının artması və biznesdən “könüllü ödənişlər” gözləntiləri fonunda güclənib.