21:24 - 17.07.2026

---

17 iyul, Fineko/abc.az. Donald Tramp 20-dən çox şirkət barədə müsbət paylaşımlar edib və bu, onun investisiya menecerlərinin həmin şirkətlərin səhmlərini almasından qısa müddət sonra baş verib.

Bu barədə CNN məlumat yayıb. Təhlil 21 şirkət üzrə ən azı 44 belə əməliyyatı üzə çıxarıb. Siyahıya Nvidia, Apple, Tesla, eləcə də GE Aerospace və Eli Lilly daxildir.

Paylaşımlar şəxsi şərhlər, rəhbərlərin sitatları və müsbət materiallara keçidlərdən ibarət olub. Bəzi hallarda Tramp biznes üçün potensial faydalı ola biləcək siyasi qərarları da elan edib.

Bununla belə, paylaşımların səhmlərin qiymətinə təsir etmək məqsədilə edildiyinə dair sübut yoxdur. Ağ Ev bildirir ki, əməliyyatlar müstəqil idarəçilər tərəfindən həyata keçirilir və əksər hallarda bu əməliyyatlar paylaşımlarla müşayiət olunmayıb.