13:35 - 6.06.2026

---

6 iyun, Fineko/abc.az. ABŞ Prezidenti Donald Tramp Rusiya-Ukrayna müharibəsinin həlli istiqamətində ciddi irəliləyişlərin olduğunu şərh edərək, hər iki tərəfin yaxın zamanlarda razılığa gələcəyinə ümid etdiyini bildirib.

ABC.AZ xəbər verir ki, ABŞ dövlət başçısı bu barədə Viskonsin ştatına səfəri zamanı təyyarədə jurnalistlərin suallarını cavablandırarkən danışıb.

Tramp Rusiya və Ukrayna arasındakı danışıqların hazırkı mərhələsini qiymətləndirərək prosesdəki rolunu xüsusi vurğulayıb: "Buraxaq özləri razılığa gəlsinlər. Bu işi bu nöqtəyə gətirən mənəm və məncə, bu məsələ tamamilə həllini tapacaq".