17:21 - 8.04.2026

---

8 aprel, Fineko/abc.az. İran strateji əhəmiyyətli Hörmüz boğazından gəmilərin tranziti üçün rüsum tətbiq edərsə, hər il on milyardlarla dollar qazana bilər.

ABC.AZ xəbər verir ki, bunu IRİB Dövlət Televiziya və radio şirkətinin siyasi informasiya şöbəsinin müdiri Həsən Abedini söylədi.

O qeyd edib ki, 32 min gəmi boğazdan keçərkən və hər birindən 2 milyon dollar tutulduqda İran təxminən 64 milyard dollar qazana bilər.

Tehran artıq ən azı bir gəmi üçün öz ərazi sularından keçid hüququna görə 2 milyon dollar məbləğində hesab təqdim edib. Bölgədə münaqişə başlamazdan əvvəl bu marşrut hər gün təxminən 150 ticarət gəmisi tərəfindən istifadə olunurdu.

Reuters agentliyi öz təhlilinə istinad edərək daha təsirli bir rəqəm gətirir. Onun sözlərinə görə, belə bir tarifin müəyyən edilməsi İrana ildə 110 milyard dollara qədər gəlir gətirə bilər.

Aprelin 2-də İran Xarici İşlər Nazirliyi bəyan etmişdir ki, ölkə Hörmüz boğazında gəmiçiliyin tənzimlənməsinin yeni rejiminin işlənib hazırlanmasına yaxındır.