10:55 - 25.11.2025

---

25 noyabr, Fineko/abc.az. Kanada və Hindistan nüvə enerjisi sahəsində daha geniş ikitərəfli əməkdaşlıq çərçivəsində Yeni Dehliyə uran tədarükü müqaviləsi üzərində işi başa çatdırırlar.

ABC.AZ xəbər verir ki, məlumata görə, "təxminən 10 il davam edəcək ixrac əməliyyatının dəyəri təxminən 2,8 milyard dollar olacaq." Uran Kanadanın Cameco Corp şirkəti tərəfindən təmin ediləcək.

Hindistan hökumətinin açıqlamasına görə,"hər iki tərəf nüvə enerjisi sahəsində uzunmüddətli əməkdaşlığı təsdiqləyib və uzunmüddətli uran tədarükü müqavilələri də daxil olmaqla qarşılıqlı əlaqələrin genişləndirilməsi üçün davam edən danışıqları qeyd edib. "Bu sahədə iki ölkənin tərəfdaşlığı Kanadanın kiçik modul reaktorunun yaradılmasını da əhatə edə bilər.

Ümumdünya nüvə birliyinə görə, Hindistanda təxminən 25 nüvə reaktoru var, altısı tikilməkdədir. Fəaliyyət göstərənlərin çoxu Kanadanın Candu layihəsi əsasında hazırlanmış ağır təzyiqli reaktorlardır.