12:15 - 29.04.2022

---

29 aprel, Fineko/abc.az. Rusiya Xarici İşlər Nazirliyi Rusiyaya girişi qadağan edilən Kanada vətəndaşlarının siyahısını dərc edib.

ABC.AZ xəbər verir ki, “Stop siyahısı”na baş nazir Castin Trüdo, xarici işlər naziri Melani Coli, ölkənin Təhlükəsizlik və Kəşfiyyat Xidmətinin direktoru Devid Viqno, həmçinin müxtəlif dövlət qurumlarının rəhbərləri, siyasətçilər, hakimlər, parlamentarilər – ümumilikdə 592 nəfər daxildir.

Nazirlik vurğulayıb ki, Rusiya tərəfi bu cür sanksiyaları qeyri-ixtiyari və müstəsna olaraq Kanada rəhbərliyinin düşmənçilik hərəkətlərinə cavab olaraq tətbiq edir.