15:47 - 9.03.2022

---

9 mart, Fineko/abc.az. Avropa İttifaqı (Aİ) Rusiyaya qarşı yeni sanksiyaları təsdiqləyib.

ABC.AZ-ın məlumatına görə, yeni sanksiyalara Rusiyanın dəniz sektorunun, bəzi məmurların və oliqarxların və Belarusun üç bankının SWIFT-dən çıxarılması daxildir.

Yeni sanksiyalara əsasən, Rusiyanın Ukraynaya hücumunda rolu olan bəzi rusiyalı məmurların, oliqarxların və ailə üzvlərinin aktivləri dondurulacaq. Bu şəxslərə səyahətə qadağa qoyulacaq.

Belarusun üç bankı SWIFT beynəlxalq pul köçürmə sistemindən çıxarılacaq.

Kriptovalyutaların Rusiyaya qarşı sanksiyalara qarşı istifadəsinə qadağa qoyulacaq.

Bəzi məhsul və texnologiyaların Rusiyaya göndərilməsi qadağan ediləcək. Rusiyada gəmiçilik sənayesinə qarşı sanksiyalar tətbiq olunacaq.