10:12 - 5.03.2022

---

5 mart, Fineko/abc.az. Ukraynanın xarici işlər naziri Dmitri Kuleba Rusiya iqtisadiyyatını çökdürə biləcək sanksiyaların siyahısını açıqlayıb.

ABC.AZ-ın məlumatına görə, nazirin elan etdiyi sanksiyalar arasında qızıl, neft ticarətinə qadağa və kriptovalyutalara çıxışın məhdudlaşdırılması da var.

Kuleba qeyd edib ki, Aİ, ABŞ və Böyük Britaniyanın sanksiyalarının təzyiqi altında Rusiya iqtisadiyyatı artıq çökməyə başlayıb.

Kuleba Rusiyanı iqtisadi cəhətdən nəhayət bitirmək üçün bu ölkəyə qarşı tətbiq edilməsini istədiyi sanksiyaları da sadalayıb: “Sanksiya qanunvericiliyindəki boşluqları aradan qaldırmaq üçün daha da tətbiq edilməli olan sanksiyaların konkret siyahısını verdim ki, ruslar bu boşluqları keçə bilməsinlər. Haqqında danışdığım bu sanksiyalar neft ticarətinə, Rusiyanın kriptovalyutalara çıxışına və onların dünyada kiməsə qızıl satmaq imkanı ilə bağlıdır”.