15:14 - 8.09.2026

---

8 Sentyabr, Fineko/abc.az. "Alphabet" şirkətinə daxil olan "Google", Avropa İttifaqının (Aİ) Rəqəmsal Bazarlar Haqqında Qanununa (DMA) əməl etmək məqsədilə Avropadakı axtarış nəticələrində köklü dəyişikliklər edib. Şirkət İyul ayında antitrest qaydalarını pozduğu üçün 460 milyon avro (534 milyon dollar) məbləğində cərimələnmişdi. "Google" rəsmiləri bildirirlər ki, bu addım sistemin 29 illik tarixində xidmət keyfiyyətinin ən kəskin aşağı düşməsinə səbəb olacaq.

Dəyişikliklərə əsasən, "Booking.com" və "Expedia" kimi qiymət müqayisəsi platformaları (VSS) axtarış səhifəsinin ən yuxarı hissəsinə çıxarılır, birbaşa mehmanxana və aviaşirkətlərin ünvan keçidləri isə arxa plana keçirilir. Həmçinin axtarış nəticələrindən real vaxt rejimində qiymət göstəriciləri kimi funksiyalar çıxarılır.

Şirkətdən bildirilib ki, bu məhdudiyyətlər vasitəçilərin mövqeyini gücləndirəcək və yalnız Aİ istifadəçilərinə şamil olunacaq.