09:28 - 8.09.2026

---

8 Sentyabr, Fineko/abc.az. ABŞ dollarının geriləməsi və Yaxın Şərqdə hərbi gərginliyin artması fonunda spot qızılın qiyməti 0,6% artaraq unsiya üçün 4 429,89 dollara yüksəlib. Dekabr təslimatlı ABŞ qızıl fyuçersləri isə 4 475,10 dollar səviyyəsində qərarlaşıb. Dollar indeksinin (DXY) 0,4% düşməsi digər valyutalara sahib investorlar üçün qiymətli metalları daha cazibədar edib.

Bazar iştirakçılarının diqqəti bu həftə açıqlanacaq ABŞ ÜFE  və TÜFE  inflyasiya göstəricilərinə yönəlib. Analitiklər bildirir ki, hətta faiz artımı baş versə də, ABŞ Xəzinədarlığı və Fed-in bəyanatları fonunda yaranan narahatlıq qızıl qiymətlərinin kəskin düşməsinə imkan verməyəcək.

Geosiyasi cəbhədə İranın ABŞ gəmilərinə raket fırlatdığını bəyan etməsi riskləri artıraraq alternativ aktivlərə tələbatı gücləndirib.

Digər qiymətli metallardan gümüş 1% artaraq ons üçün 66,78 dollara, platin 1 834 dollara (+0,4%), paladium isə 1 402,87 dollara (+1%) yüksəlib.