11:41 - 16.07.2026

---

16 iyul, Fineko/abc.az. ABŞ-ın İrana qarşı yeni hava zərbələri endirməsi və Hörmüz boğazında gəmilərin sərbəst hərəkətini tələb edərək Tehran üzərində təzyiqləri artırması fonunda Avropada təbii qazın qiyməti ardıcıl dördüncü iş günündə də bahalaşıb.

Bununla da qaz bazarı may ayından bəri qeydə alınan ən uzunmüddətli yüksəliş seriyasına imza atıb. Niderlandın TTF mərkəzində ən yaxın fyuçers müqavilələrinin qiyməti 1,3% artaraq bir meqavat-saat üçün 55,05 avroya (63,15 dollar) yüksəlib.

Qeyd edək ki, sözügedən müqavilə çərşənbə günü də 2,6% dəyər qazanmışdı. Hazırda bazarda ticarət həcmi son üç aylıq ortalamanın 1%-dən aşağı səviyyəsində qalsa da, geosiyasi gərginlik və ABŞ-ın Hörmüz boğazı yaxınlığında İrana məxsus boş neft tankerini zərərsizləşdirməsi enerji daşıyıcılarının qiymətinə təsir etməkdə davam edir.