11:52 - 20.02.2026

---

20 fevral, Fineko/abc.az. ABŞ BMT-yə qarşı $4 mlrd-dan çox borcun təxminən $160 mln-ını ödəyib.

ABC.AZ xəbər verir ki, bu, Donal Trampın “Sülh Şurası” təşəbbüsünün ilk iclası günü baş verib. Ekspertlərin fikrincə, bu təşəbbüs BMT-nin fəaliyyətinə mənfi təsir göstərə bilər.

Tramp BMT-ni gücləndirmək üçün vəsait ayıracağını bildirib, lakin ABŞ hələ də ən iri borcludur: $2,19 mlrd müntəzəm büdcəyə, $2,4 mlrd sülhməramlı missiyalara, $43,6 mln isə BMT tribunallarına borcdur. Əvvəlki administrasiya dövründə isə Vaşinqton öhdəlikli ödənişlərdən imtina edib və könüllü maliyyələşdirməni azaldaraq BMT-nin onlarla institutundan çıxıb.