12:35 - 14.12.2023

---

14 dekabr, Fineko/abc.az. Qırğızıstanın Baş naziri Akılbek Japarov ABŞ-la münasibətləri möhkəmləndirməyə çalışdığını bildirib. O, bunu ABŞ-ın Bişkekdəki səfiri Lesli Vigeri ilə görüşündə deyib.

ABC.AZ xəbər verir ki, tərəflər bu il Qırğızıstan-Amerika əməkdaşlığının intensivləşməsindən məmnun olduqlarını bildirdilər, yüksək səviyyəli görüşləri və Mərkəzi Asiya – ABŞ sammitində iştiraklarını qeyd etdilər.

Baş nazir və səfir gələn il müxtəlif sahələrdə, o cümlədən iqtisadiyyat və mədəni-təhsil sahəsində əməkdaşlığın perspektivlərini, habelə yaşıl enerji və iqlim problemlərini də müzakirə etdilər.