16:22 - 4.09.2026

---

4 Sentyabr, Fineko/abc.az. ABŞ-ın Milli Avtomobil Yollarında Hərəkətin Təhlükəsizliyi İdarəsi (NHTSA) "Tesla" şirkətinin tam avtonom sürüş üçün hazırladığı 1 000-ə yaxın "Cybercab" avtomobili ilə bağlı rəsmi audit təhqiqatına başlayıb.

Tənzimləyici qurum elektromobil istehsalçısının sözügedən nəqliyyat vasitələrinin federal avtomobil təhlükəsizliyi standartlarına uyğunluğunu iddia edərkən əsaslandığı texniki məlumatları və daxili qiymətləndirmə proseslərini yoxlayır.

Audit çərçivəsində "Tesla"nın sükan və pedalları olmayan bu avtonom modellərinin mövcud təhlükəsizlik normativlərinə necə cavab verdiyi, xüsusilə də süni intellektin idarəetmə sisteminin gözlənilməz yol şəraitində davranış göstəriciləri araşdırılır. Şirkətin səhmləri xəbərin yayılmasından sonra birjaöncəsi hərraclarda geriləyib.

Mütəxəssislər bildirirlər ki, təhqiqatın nəticələri "Tesla"nın avtonom kommersiya taksi xidmətinin genişmiqyaslı tətbiqi planlarını gecikdirə bilər.