11:25 - 9.07.2026

---

9 iyul, Fineko/abc.az. Amerika Birləşmiş Ştatları administrasiyası İran ilə Hörmüz boğazı ətrafında vəziyyətin kəskinləşməsi fonunda mümkün uzunmüddətli hərbi qarşıdurmaya hazırlaşır. Vaşinqtonda hesab edirlər ki, münaqişənin inkişafı Tehranın addımlarından asılı olacaq.

Axios-un məlumatına görə, eskalasiyanın səbəbi əvvəlki atəşkəs razılaşmalarının pozulması olub. ABŞ, xüsusilə kommersiya gəmilərinə hücumların davam edəcəyi halda, hərbi kampaniyanın gücləndirilməsini istisna etmir.

Tehranda cavab tədbirlərinə hazır olduqları bildirilir. Parlamentin spikeri Məhəmməd Baqir Qalibaf yeni zərbələrin münaqişənin genişlənməsinə gətirib çıxaracağını bildirib.

ABŞ-ın vitse-prezidenti Cey Di Vens vurğulayıb ki, gəmiçiliyin azadlığını təmin etmək üçün zərurət yaranarsa əməliyyatlar davam etdiriləcək. Vaşinqton bunu qlobal enerji təhlükəsizliyinin əsas elementlərindən biri hesab edir.